Жоба жайлы

«Киелі неке» атты жаңа телехикая. Телехикая 2009-2014 жылдары Indian Telly Award премиясында «Экрандағы үздік жұп» және «Екінші пландағы үздік ер адам рөлі» номинациясын жеңіп алды. Отбасылық оқиғалардан тұратын туынды көрермендерді алғашқы минуттан-ақ баурап алатын болады.

Хикаяның басты кейіпкерлері-Манав пен Арчана бірге өткізген өмірде талай сынақ көрген. Сохам есімді ұлын жоғалтып алған Манав пен Арчана Пурви атты қызды асырап алады. Бірақ, күтпеген жерден Ови есімді қызды дүниеге әкеледі.

18 жыл өткен соң сымбатты әрі сұлу Пурви Арджунды сүйіп қалады. Жастар бір-бірін жақсы көріп, бақытты кезеңдерді бастан кешіріп жүреді. Алайда тағдырдың қалауымен Пурвидің өгей сіңілісі Ови де Арджунға ғашық болып, үш жүректің арасында махаббат оты пайда болады. Шытырманға толы хикая апалы-сіңілілі қыздардың арасындағы салқын қарым-қатынасты, бір жігітке ғашық болған екі қыз туралы суреттейді. Бірақ, оқиға мұнымен аяқталмайды.

Манав пен Арчана ұзақ жылдардан кейін жоғалған ұлы Сохамды тауып алады. Сюжет 20 жыл өткен соң әжесі Арчанаға ұқсайтын Сохамның қызы Анкита туралы болмақ. Анкита Наренмен шаңырақ құрып, бақытты ғұмыр кешіп жүреді. Бірақ, олардың өміріне Пурви мен Арджунның қызы Пари араласады. Сюжет желісі тағы да үш адамнан тұратын махаббат хикаясын баяндайды.

Оқиға желісі қалай өрбиді? Екі адамның арасындағы драмаға толы қарым қатынас қаншалықты созылады? Ата-ана кімнің жағында болмақ? Манав пен Арчана қай баласына қолдау көрсетеді? Шым-шытырық отбасылық хикая бірінші көрсетілімнің алғашқы уақытында-ақ көптің көңілінен шығатынына сенімдіміз.